• ×
  • دخول
  • تسجيل
  • 10:46 مساءً , السبت 27 شوال 1443 / 28 مايو 2022 | آخر تحديث: 01-25-1441

قصيدة للشاعر / فايز حمود الفنيسان الفريدي في حفل زواج الشاب مشاري مجزع المراس الفريدي

زيادة حجم الخط مسح إنقاص حجم الخط
صحيفة الراشد من هاجسٍ يرهي .. وبالشعر مليان
يطرب له السامع .. ويرفع يمينه
يامرحبا ترحيبةٍ .. شانها شان
باللي لفوا من كل فج و مدينه
يامرحبا في حلة طوال الأيمان
اللي لهم في صدر الأمجاد عينه
في حفل أبو مشاري تراحيبٍ سمان
بـ ضيوفه الحضّار خطوة ثمينه
ومبروك يامشاري يابن طير حوران
وعسى السعادة في حياتك قرينه
صاحب وفاء .. وقفاتك تسر الأعيان
إتسر من جالك وتملى يدينه
طيبٍ كسبته ورث من روس شيبان
نهجٍ سلفكم .. قبلكم ناهجينه
ومن ربعك المراس أهل رمح وسنان
يوم المراجل بالرماح السنينه
من روس قومٍ فعلهم يوم الأكوان
سطّر بـ نجد و دوّنته المدينه
الراشد الراشد عمى عين عدوان
لـ ثارت الهيه .. نجيب السمينه
كم راس شيخٍ طاح من فوق الأمتان
ثم انكفوا ربعه بـ ضيم و غبينه
عيال راشد يوم زوغات الأذهان
نروس روس القوم مع قايدينه
مواقفٍ يذهل لها الذيب سرحان
فعلٍ مثبت والعرب خابرينه
أمجادنا عاشت على مر الأزمان
وحنا خلف مجد السلف وارثينه

الشاعر / فايز بن حمود الفنيسان الفريدي



 0  0  2434
التعليقات ( 0 )

تغريداتنا بتويتر

يمكنكم التواصل معنـا عبر البريد الرسمـي للصحيفة : [ alrashid_g@hotmail.com ] أو من خلال نموذج الخاص بالمراسلة بـ ( الضغط هنـا )